Instagram reklamı düzgün qurulduqda ən səmərəli satış kanallarından biridir. Lakin büdcə plansız xərcləndikdə pul tez bitir, nəticə isə gözlənildiyi kimi olmur. Aşağıdakı addımlar büdcənizi daha ağıllı planlaşdırmağa kömək edəcək.

1. Məqsədi müəyyən edin

Reklamdan nə gözlədiyinizi əvvəlcədən dəqiqləşdirin: izləyici, mesaj, sayta keçid, yoxsa birbaşa satış? Hər məqsəd üçün Meta reklam kabinetində ayrıca kampaniya növü seçilir və nəticə də fərqli ölçülür.

2. Bir müştərinin dəyərini hesablayın

Bir müştərinin sizə orta hesabla nə qədər gəlir gətirdiyini bilmək, bir müraciət üçün nə qədər ödəməyə hazır olduğunuzu müəyyən edir. Bu rəqəm büdcənin əsas istinad nöqtəsidir.

3. Test büdcəsi ilə başlayın

İlk həftələrdə büdcəni bir neçə auditoriya və vizual variant arasında bölün. Hansı kombinasiyanın daha ucuz müraciət gətirdiyini görəndən sonra büdcəni ona yönəldin.

4. Büdcəni bölüşdürün

• Böyük hissəni yeni müştəri cəlb edən kampaniyalara ayırın.
• Bir hissəni sayta və ya profilə daxil olmuş, amma alış etməmiş insanlara yenidən göstərilən (retargeting) reklama yönəldin.
• Kiçik bir hissəni yeni ideyaların testi üçün saxlayın.

5. Nəticələri həftəlik izləyin

Bir müraciətin qiyməti, klik faizi və satışa çevrilmə göstəricilərinə həftədə bir dəfə baxın. Zəif işləyən reklamları dayandırın, güclü olanların büdcəsini tədricən artırın.

Reklam kampaniyalarınızın qurulmasını və idarəsini peşəkarlara həvalə etmək istəyirsinizsə, CAM Media Group komandası kömək etməyə hazırdır.